رحلتي من الصفر للاستقلال المادي… وليه ده ممكن يحصل معاك أنت كمان!

أنا طارق عامر، ويمكن قصتي تشبه قصتك أكتر مما تتخيل…

بدأت رحلتي مع الفريلانس من أيام الجامعة، وتحديدًا في 2014 من وأنا في تانية كلية هندسة.

عمري ما دخلت وظيفة تقليدية، ومن أول يوم كنت مؤمن إن الإنترنت والفريلانس هو الباب اللي هقدر من خلاله أبني مساري المهني وأحقق دخل يخليني أعيش الحرية اللي بحلم بيها.

في بداياتي كنت مليان أسئلة وشكوك:

“هو أنا ممكن أنجح في المجال ده؟ ولا الموضوع محتاج سنين خبرة ورأس مال كبير؟”

الرد وقتها كان واضح في دماغي: “أكيد صعب!”

لكن الحقيقة… لما بدأت، اكتشفت إن الصعب مش هو الفريلانس… الصعب كان إني أفضل واقف مكاني.

بدأت من الصفر تمامًا، من غير أي مهارة واضحة، ومع شوية خوف كبير من المجهول.

في الشهور الأولى، كنت بتعلم كل حاجة بإيدي — ساعات أشتغل طول اليوم وما أحققش أي نتيجة، وساعات تانية أفرح بأول مشروع أنجزه ولو حتى ب 5$ كأني لقيت كنز.

ومع التجربة والمثابرة على مدار سنين، قدرت أبني عمل حر مستقر، أشتغل فيه مع عملاء من دول مختلفة، وأعيش المرونة والاستقلال اللي كنت بحلم بيهم.

النهارده، بعد أكتر من 10 سنين خبرة في الفريلانس، بقدملك خلاصة التجربة دي في كورس واحد، خطوة خطوة، من لحظة اختيار مهارتك لحد ما تبدأ تجذب عملاء وتبني مسارك، وتعرف إزاي تكبر وتطور شغلك.

أنا مش بس هقولك “اعمل كذا وكذا”، أنا هوريك بالضبط إيه اللي عملته، وإزاي أنت كمان تقدر تعمله بشكل أسرع وبدون ما تضيع وقتك في أخطاء أنا وقعت فيها.